Taurus Horoscope 2015 Urdu: Taurus star ke liye Saal ka start amoomi tor se acha ho ga. Taurus star ka malik zohra mazboot ho ga. Achay moqay hasil hon gey. Zohal bhi behtar ho ga. Paishawarana aitbar se aap anthak mehnat karain gey, is ke bawajod khuch rukawatain samne ayain gi jo takheer ka sabab hain. Yaad rakhain ke kisi baat ka bigarna bohat asan hota hai lekin usay suljhana bohat mushkil hota hai. Lihaza ye saal un Taurus people ke liye bohat aham hai jo kisi ghareelu jhagrey se guzar rahe hain. Koshish karain ke koi aisa faisla na karain jis ke manfi asrat agli naslon tak muntaqil hon.
Taurus Love: 2015 Ka ye year Taurus Man aur Taurus Woman donon ke liye mohabbat ke lihaz se pichlay saal se zayada aham hai is saal mein is burj ke logon ko marriage ke waziha moqay miltay hue dikhai detay hain aur jin ki shadi ho chuki hai un ke taluqat bhi behtar hotay jayain gey.
Taurus Health: Taurus aam tor par healthy hotay hain lekin jub sitaron ki chal achi na ho aur zehni kaifiyat achi na ho tou khuch bimariyan janam lay sakti hain. Aap ke jism ke aham hisay, teeth aur kidney zayada mutasir ho sakte hain. Is liye kahin aisa na ho ke parhez ke taqazay puray na kar sakain. Apna wazan kam rakhne ki koshish karain.
Taurus Financial Condition: 2015 mali lihaz se khushkhabri ka hamil ho ga. Saal ke shuru ke 3 mahenay bohat ahmiyat rakhte hain. Aisay log jinhon ne past mein new business shuru kiya ho ya new job ki ho unhain hosla afza results milnay shuru hon gey lekin ye aik aisa waqt hai ke jub aap ko akhrajat mein ahtyat karni ho gi kyoun ke kisi ghair matwaqa kharchay ki wajah se akhrajat mein izafa ho sakta hai. Ab ye aap par hai ke un se kaise faida uthatay hain lekin aap ko is baat ka bhi khayal rakhna hai ke agar mushtarka tor par koi kaam kar rahe hain ya karobar mein bhi sharakat rakhte hain tou is ko kisi surat bhi bigarney na dain.
Taurus Career Horoscope 2015 Urdu: 2015 mein mulazmat mein istehkam rahe ga, paisha warana tarbiyat ke moqa mil sakte hain, jis se future mein aap ko mali fawaid aur taraqi ke imkanat dastyab hon gey. Business karne wale logon se 2015 ka saal apni mojuda karobari line mein khuch tabdeeliyon ka taqaza karta hai. Aap ko mali wasail se zayada tajarbay aur sujh bojh ke sath nayi rah talash karna hai.
0 comments:
Post a Comment