Aquarius Horoscope 2015 Urdu Aquarius star Aisay log jinhain aap bohat qareebi samajhtay hain, un se zayada umeedain wabasta na karain. Is ka ye matlab nahin ke 2015 ka saal bura hai. Asal mein jo kamyabiyan aur shanakht aap ne apne hukmaran star ke dor urooj mein hasil ki un se mehroom na hon balkeh naimaton aur barkaton ka tasalsal jari rahe ye saal aap ko yehi keh raha hai.
Aap ko mehsoos ho sakta hai ke kaam ke halaat aisay banaye ja rahe hain ke jin ki wajah se aap ka khushgawar andaz mein paishawarana zumaidariyon ko pura karna mumkin nahin. Kabhi aisa maloom ho ga ke baghair kisi wajah aap ke kamon par nukta cheeni ki ja rahi hai ya kisi kaam ko mukamal karne ke liye matlooba wasail nahin mil rahe. Aap ka hasas zehan ye result akhaz kar sakta hai ke shayed aap ko un halaat ki taraf bheja ja raha hai ke aap khud hi kinara kashi ikhtyar kar lain.
Aquarius Health: Aap ka andaz zindagi agar sahi ho tou bohat si mamooli diseases se bach sakte hain lekin teeth, bones wagera ki bimari aap ko preshan kar sakti hai. Neend ka khas khayal rakhain, gehri aur munasib neend bohat si bimariyon ko khatam karti hai.
Aquarius Wealth: Aap ki kharch karne ki adat shahana hai, aap kharch kartay hue apni mali halat nahin dekhte balkeh kisi khawahish ki takmeel ke liye fazool kharchi kar guzartay hain. Aap ke liye ye year phir se behtar araha hai.
Aquarius Career: Zayada zumaidariyon ka waqt hai mulazmat karne walon ke liye. Aap ko important works ke liye select kiya ja sakta hai. Koshish karain ke jari mansoobay mukamal kar lain phir naya shuru karain aur 2015 career ke hawalay se aap ke liye khushi ka baes hai.
