Libra Horoscope 2015 Urdu: Libra Star Ho sakta hai ke past ki talkh tajarbat ki wajah se khuch Libra man tanhai ka shikar ho jayain aur isi tarah rehna pasand karain, lekin aisa karna un ke liye munasib na ho ga. Apne ird gird ke parday ko hata dain aur tanhai ki bajaye logon ke sath milna shuru karain aur samaji kamon mein hisa laina shuru karain.
2015 ka suraj garehan aap ke 8th house mein ho ga, ho sakta hai ke wo khuch ghair matwaqa halaat se do char kare. mali mamlat ke sath sath taluqat mein bhi ghair matwaqa tabdeeliyan paida ho sakti hain, jis ki wajah se mushtarka mufadat mutasir ho saktay hain. Ye bhi mumkin hai ke aap ki dilchaspi na hone ki wajah se koi acha moqa zaya ho jaye. June 2015 se mushtari star aap ke 10th house mein anay se aap ki haisiyat aur martabay mein izafa ho ga.
Libra Love Horoscope Urdu Libra Marriage: Rishton ke hawalon se ye waqt aap ke liye naye tajarbat ka hai. Woh log
jo kabhi bohat qareeb thay, shayed ab door ho jayain. Aur aap ko is baat
ka ehsas ho sakta hai ke aap ki khidmat ka munasib sila nahin mil raha.
Students ke liye bhi khuch aisi surat haal ho sakti hai jo pehle jari
education se shayed mutmaen na hon aur apne mazameen badalna chahain,
aisa karne mein koi harj nahin par is ki khas wajuhat hon, mehz is bana
par mazameen mein tabdeeli karna munasib nahin ke dil nahin lagta.
Libra Health: Har roz muskuranay wale libra yani meezan woman aur man bazahir tadrust dikhai detay hain lekin haqeeqatan hasas honay ki bana par asabi kamzoori ka shikar bhi ho saktay hain, jis ki wajah se kisi bhi preshani ya dabao ki kaifiyat mein gardan aur kandhon mein dabao mehsoos ho ga. Is ke sath sath diet ke mamlay mein bhi ahtyat ki zaroorat hai. Apni pasand ki makhsoos ghaza ke sath sath un ashya ko bhi dastar khawan ki zeenat banayain, jin ka aap ki ghaza mein shamil hona medical lihaz se bohat aham hai.
Libra Career: Ho sakta hai ke past mein koshishon aur mehnat ke bawajood aap ko taraqi na mili ho aur ye bhi zaroori nahin ke is ki wajah aap ki na ahli ho balkeh ho sakta hai ke aisa kisi mehkamana faislay ki wajah se ho, 2015 aisi bohat si mushkilat se aap ko bachaye ga aur aap ke waqar aur ohday mein aisa izafa kare ga ke jo bohat arsay tak aap ke liye faida mand ho ga. Aap ko kisi arzi position par khuch arsa kaam karna paray tou aap ko chahiye ke is zumadari ko qabool kar lain kyoun ke woh aap ki taraqi aur amdani mein izafa ka sabab ho ga.
0 comments:
Post a Comment